English

Sheshatshiu Innu-Aimun

Anitsh ka tshimanakanitsh tshe atushkatasht tapueunnnu nanatu-tshissenitamun tshika minu-tshitapatamuatsh kie tshika mashinatamuatsh ka nishi-tutakanitshi, kie ka nishi-uauitaminitshi ka nishpanitshi ete utinniunitsh kie mashtei ka nishi-matenitak ka nishi-tutuakanitsh ete auassatsh ka utinakanitsh kie mak ka nakatuenimikutsh mitshim‑utshimaua.

Nasht tshipa minu-tshitapateiai kie tshipa minu-nanatu-tshisseniteiai ete etaianitsh mak etinanitsh, ete ka utshipanitsh shuniau ka nishi-matenitakuatsh, innu utinniunitsh, ka mamishatshi ka utsh pimipanitshi atusseuna, kie ka petsh nishi-nametaianitsh eka  ka minupaninikut innu kie uesham mitshetuatsh auassatsh ka utinakanitsh, ete ka nishi-pimipanitakanitsh tshishe-utshimau utatusseun,  eku tshe shutshinushunanitsh tshe nishi-tutakanitsh tshetshi nishi-minupanitakanitsh ete nikan.

Anitsh tshe atushkatatsh tapueunnu nanatu-tshissenitamun:

• Tshika tshitapatakanu ka tutakanitsh tshe nishi‑nashatakanitsh ka atushkatet mitshim‑utshimau-atusseun ete nanatu‑tshissenitamunitsh, minuatsh kau tshetshi minu-tshitapatakanitsh kie ka nishi‑nanatu‑tshissenitakanitsh eka ka minupanitsh ete utsh:
  • anitsh eka ka minu-tutuakanitsh ete ka utinakanitsh kie ka nakatuenimakanitsh;
  • Tshekuannu uitsh tat mitshim-utshimau anite innua utinniunitsh
  • Tshetshi tutakanitsh tshekuan kie ka tshissenitakuatsh tshe eka minupanitsh ka nishi-tutakanitsh tshekuan tshetshi tapuetakanitsh ka nishi-takuatsh uauitshinitun, kie tshetshi eka taianitsh kie mak e utinakanit auass ete ka tat uikanisha kie mak innu-utenatsh, kie eka ka tapuetuakanitsh tshetshi tat ete ka nishi-inniut kie innu-utenatsh mekuatsh e utinakanit kie e nakatuenimakanit
  • Minakanu tshetshi uauitshinushut aue ka uauitak kie mashtei eshi-mishkakanitsh tshekuannu innu ka tat ete eka ka minupanitakanitsh mitshim‑utshimaua, mamu uikanishimuaua kie utaumuaua mak ukaumuaua
• Tshe nishi-uauetashutakanitsh ka nanatu‑tshissenitakanitsh eshi-nipitsh innu‑auassatsh, ussinitshishuatsh kie nishkuessatsh:
  • anitsh eka ka minu-tutuakanitsh ete ka utinakanitsh kie ka nakatuenimakanitsh;
  • Eshkᵘ eka nishunnu ashu patetash tatupipunueshitsh anita nepitsh kie mak nepitsh ushkau-pishimua nishtunnu etshishtauakanitshi anita 2007;
  • Utaumauatsh kie ukaumauatsh kie mak aue ka uinakanit tshetshi tat eka tanitshi uikanishimuaua, kie kutak uikanishimuau ka uinakanit
  • tshetshi tat ete e tanitshi eshkᵘ e takuanitsh ka nishi-pimipanitakanitsh tshishe-utshimau-atusseunnu ka utsh nipit; kie
  • Ka natuenitakanitsh tshetshi nanatu-tshissenitakanitsh nipun
  • Eshi tapuetatunanitsh tshe nishi-tutakakanitsh tshekuan: eshi-tutakanitsh tapuetamun tshika mamushtakanua ka nishi-mishkakanitshi ka nanatu‑tshissenitakanitsh tapueuna e uauitakanitshi ka nishpanitsh mitshim-utshimau, ka nishi‑tshishkutamakunanitsh tshekuan u atusseun, (tshekuan ishpanipan, tshekuan nishi-matenitakanipan, tshekuan mishkutshipanipan, tshekuan minupanipan kie tshekuan eka menupanitsh), kie tshetshi takuatsh tshe nishi-minupanitakanitsh ete nikan.

TSHE NISHI-PIMIPANITSH UAUITAMATUM

Ete Kananatu-tshissenitakanitsh tapueun tapuetatunanu innuatsh kie innu-utenatsh nenekatshiun uetshipanitsh ka aianishkatumakatsh ushtuenitamun ete ka utshipanitsh tshetshi nishinakuatsh e uakashinuakanit eshi-inniut kie kakeshau eshi‑pimipanitat tshekuannu.

U Kananatu-tshissenitakanitsh tapueun tshika nishi-pimipanitakanu eshi‑nashatakanitsh tshetshi nishi-tutakanitsh tshekuan tshetshi eka akuatunanitsh. Eukuan tshe nishi-atushkatet mishue etinanitsh kie tshe natutuakanitsh auenitshi tshe nishi-patshitinatsh utaianimuanuau, tshe uauitakau eshi-akuakanitsh.

Ete Kananatu-tshissenitakanitsh tapueun tshika tutakanu tshetshi peikutakanitsh kie tshe nishi-uauitshinuet Touchstones of Hope ka nishinikatikuanua tshetshi atushkatetsh tshe nishi-mishkutinakanitsh eka ka minupanitsh tshekuan, tshetshi mamu uitshinitunanitsh e nanatu‑mishkakanitsh minupaninitun kie tshe nishi-tutakanitsh tshekuan, tshetshi apatshitakanitsh innu eshi-inniut mak innu-aianimuaia kie tshetshi nishtuapatakanitsh inniun.

• Nete tshetshi peikutakanitsh minupaninitun eitinanitsh:
  • nasht e tapuanitsh tepatshimunanitshi,
  • nasht e uauitakanitsh ka nishi‑tapuetatunanitsh,
  • kau e petakanitsh ka nishipanitsh tshekuan,
  • kie tshetshi minupanikue tshekuan ane ka ui nishi-tutakanitsch
• Kie tshe nishi-nashatakanitsch uauitamatum:
  • e peikᵘ tipenamushun,
  • eshi-inniut kie utaianimuan aue,
  • e peikutakanitsh tapuetatun,
  • e peikutakanitsh tapuetatun,
  • tshetshi eka takuatsh piuenimitun.